Norveçin "Sarpsborq" klubunun “Qarabağ”ın futbolçusu Kris Kuaku üçün ödədiyi təzminat məbləği müəyyənləşib.

Prosport.Az mercatosphera.no saytına istinadən xəbər verir ki, bu transferə görə Azərbaycan klubuna 300 min avro ödənilib.

Ağdam təmsilçisi 2025-ci ilin yayında Fil Dişi Sahilindən olan yarımmüdafiəçiyə görə Portuqaliya "Mafra"sına məhz bu qədər vəsait ödəmişdi.

Lakin "Qarabağ"ın baş direktoru və İdarə Heyətinin üzvü Əmrah Çəlikəl Prosport.Az-a bunun yanlış olduğunu və bu keçidə görə transfer məbləği əldə etmədiklərini bildirib: "Kris Kuaku ilə müqaviləmizi qarşılıqlı razılıq əsasında pozmuşuq. Sadəcə, qarşı tərəf gələcəkdə onu satacağı halda, müəyyən miqdarda bizə də təzminat ödəniləcək".

Qeyd edək ki, "Sarpsborq" 26 yaşlı Kris Kuaku ilə 2028-ci ilin iyun ayınadək müqavilə imzalayıb.