“Qarabağ”ın qapıçısı Mateuş Koxalski 2025/26 mövsümünün sonunda komandadan ayrıla bilər.

Prosport.Az qol.az-a istinadən xəbər verir ki, bu mövsüm UEFA Çempionlar Liqasında uğurlu oyunu ilə diqqət çəkən 25 yaşlı futbolçuya ölkəsi Polşa və Avropanın digər bir neçə liqasının klublarından təkliflər var. 

Mateuş Koxalski özü bu yaxınlarda verdiyi müsahibədə hələ qış fasiləsində “Qarabağ”dan ayrılıb ölkəsi Polşaya qayıtmaq istədiyini, lakin klubun buna icazə vermədiyini deyib. O, “Vidzev” klubundan təklif aldığını etiraf edib. Bu günlərdə isə o, “The Sun”a müsahibəsində İngilltərə klublarına çağırış edərək həmin ölkədə oynamaq istədiyini söyləyib.

Futbolçunun “Qarabağ”la müqaviləsi 2027-ci ilin iyununda başa çatır. Bununla belə, müqavilədə tələb olunan təzminat ödənilərsə, o, komandanı vaxtından əvvəl tərk edə biləcək. Daha öncə Polşa mediası təzminat məbləğinin 7 milyon avro olduğunu yazıb.