“Qarabağ”ın mövsümün sonunda heyətinə cəlb edəcəyi ilk futbolçu müəyyənləşib.

Prosport.Az Kipr mətbuatına istinadən xəbər verir ki, Aradippu “Omoniya”sının vingeri Jali Muaddibin karyerasını Azərbaycanda davam etdirəcəyi, demək olar ki, dəqiqləşib.

Xəbərdə bildirilir ki, 25 yaşlı fransalı sol cinah oyunçusu artıq “Qarabağ”la hərtərəfli anlaşıb. Hətta tərəflərin 3 illik ilkin müqavilə imzaladıqları da vurğulanıb.

"Lill"in yetirməsi ola Muaddib Azərbaycan çempionuna sərbəst futbolçu kimi keçəcək. Çünki onun “Omoniya” ilə müqaviləsinin müddəti mövsümün sonunda bitəcək.

“Qarabağ” Muaddibi həmyerlisi Abdullah Zubeyrə layiqli əvəzləyici kimi görür.

Qeyd edək ki, Jali Muaddib 2019-cu ildə Fransanın U-19 yığmasının heyətində 3 oyun keçirib, 1 qol vurub.