"Mənim Ruy Jorj ilə şəxsi tanışlığım yoxdur".

Bu sözləri Prosport.Az-a eksklüziv açıqlamasında portuqaliyalı keçmiş futbolçu Rikardu Vaz Te deyib.

O, fevralın 19-da AFFA İcraiyyə Komitəsinin qərarı ilə 20 yaşadək millimizə namizədliyi təsdiq olunmuş, martın 10-da isə təyin olunmuş həmyerlisi Ruy Jorjla birgə işləməsə də, onu tanıdığını bildirib: "Bilirəm ki, Portuqaliya millisinin aşağı qruplarından birində  çalışıb. Təcrübəli mütəxəssisdir. Ümid edirəm ki, Azərbaycan üçün möhtəşəm işlər görəcək".

Qeyd edək ki, Rikardu Vaz Te karyerası ərzində İngiltərənin "Vest Hem", "Bolton", "Hall Siti" və Türkiyənin "Akhisar Bələdiyyəspor" klublarının formalarını geyinib. O, müxtəlif illərdə Portuqaliya yığmasının aşağı yaş qruplarında da oynayıb.