"Sabah"ın məşqçisi Valerio Zuddas 7 oyunluq cəzalanıb.

Prosport.Az xəbər verir ki, bu barədə AFFA İntizam Komitəsi qərar çıxarıb.

İtaliyalı mütəxəssis Azərbaycan Premyer Liqasının XXII turunda "Qarabağ"la oyunda rəqibin ehtiyat oyunçular skamyasına qeyri-etik jest etdiyinə görə bu halla üzləşib. "Sabah" klubu 15 min manat cərimələnib.

"Qarabağ"ın məşqçiləri Müşfiq Hüseynov və Zaur Tağızadə isə 6 oyunluq cəza alıb. Onlar sözügedən qarşılaşmada kütləvi davada iştirak edib. Ağdam klubu hər 2 mütəxəssisə görə 6 min manat (ümumilikdə 12 min manat) ödəməli olacaq.