“Bilirəm ki, Naxçıvana – İran sərhədinə yaxın yerləşən şəhərə hücum olub. Deyəsən, 2 “Şahid” hava limanına zərbə endirib. Xoşbəxtlikdən, insanlar arasında tələfat yoxdur, yalnız yaxınlıqdakı binalara ziyan dəyib”.

Prosport.Az xəbər verir ki, bunu “Neftçi” futbol klubunun baş məşqçisi Yuri Vernidub Ukraynanın sport.ua saytına müsahibəsində bildirib.

Ukraynalı mütəxəssis Naxçıvana endirilən dron zərbəsini şərh edib. O, zərbəsnin İran sərhədi yaxınlığında yerləşən şəhərin hava limanına endirildiyini bildirib:

“Azərbaycan hakimiyyəti dərhal etiraz notası ilə öz mövqeyini bildirdi. Dünyada dəhşətli hadisələr baş verir: Dubay, Əbu-Dabi, Yaxın Şərq ölkələrinin digər iri şəhərləri əziyyət çəkir. Elə təəssürat yaranır ki, III Dünya Müharibəsi yaxınlaşır”.

Yuri Vernidub həmçinin vurğulayıb ki, ölkə paytaxtında vəziyyət sakit olaraq qalır: “Əlbəttə ki, müvafiq təhlükəsizlik tədbirləri görülüb. Lakin mən detalları bilmirəm, çünki səhərdən axşama qədər klubun bazasında oluram və futbol işləri ilə məşğul oluram. Deyə bilərəm ki, Bakıda hazırda sakitlikdir”.