Azərbaycanın stolüstü tennisçiləri sabahdan martın 15-dək Almaniyanın paytaxtı Berlin və Çexiyanın Havirof şəhərlərində keçiriləcək "WTT Youth Contender" turnirlərində iştirak edəcək.

Prosport.Az xəbər verir ki, yarışlarda gənclərdən ibarət seçmə komandaların baş məşqçiləri – Elnur Hidayətzadə və Ramin Cəfərovun rəhbərliyi ilə 6 idmançı qüvvəsini sınayacaq.

Onur Quluzadə, Ələkbər Mirzəliyev və Cəfər Almədədli oğlanların, Yağmur Məmmədli, Mehin Mirzəbalayeva və Yasəmən Həbibova qızların yarışında mübarizə aparacaq.

Qeyd edək ki, turnirlər U-17, U-15, U-13 və U-11 yaş dərəcələri üzrə keçiriləcək.