İranlı futbolçu Əli Babayi “Səbail”dən ayrılıb.

Prosport.Az futbolinfo.az-a istinadən xəbər verir ki, o, qışdan sonra Bayıl təmsilçisini tərk edib.

Maraqlı məqam bundan ibarətdir ki, 24 yaşlı forvard “Səbail”lə müqaviləsini pozmadan klubdan ayrılıb. Tərəflər qarşılıqlı razılaşa bilmədiyi üçün iranlı oyunçu sözləşməsi davam etməklə klubun düşərgəsindən ayrılıb.

Klub tərəfindən futbolçunun müqaviləsinin pozulması ilə bağlı meneceri ilə danışıqlar davam etdirilir.

Qeyd edək ki, Əli Babayi peşəkar karyerasına “Sepahan” klubunda başlayıb. O, daha sonra “Maşın Sazi”yə transfer olunub. 2022-ci ildə isə ilk dəfə legioner həyatı yaşayıb. O, Türkiyənin “Keçiörəngücü” klubuna keçib. Burada bir mövsüm oynadıqdan sonra Kosovonun  “Ferizaj” klubuna keçib. Ordan isə bu ölkənin digər təmsilçisi “Dukagjini”yə yollanıb. Bu komandadan ayrıldıqdan sonra klubsuz qalan Əli Babayi ötən ilin oktyabrında Azərbaycana üz tutub.