"Sumqayıt"ın uğursuz çıxışı klub rəhbərliyinin səbr kasasını daşırıb.

Prosport.Az sportinfo.az-a istinadən xəbər verir ki, Premyer Liqada işləri yolunda getməyən "kimyaçılar" dünən "Zirə"yə məğlub olmaqla (0:2) ölkə kubokunda da mübarizəni dayandırıb.

Elə daxildəki gərginlik də məhz Zirədəki matçdan sonra pik həddə çatıb.

Rəhbərlik final fitindən sonra birbaşa paltardəyişmə otağına yollanıb.
Heç vaxt olmadığı kimi qəzəbli halda.

Məşqçilər heyəti və oyunçular qarşısında sərt çıxış olub.
Bildirib ki, qısa müddətdə özünüzə gəlin.

Meydanda uduzmaq olar, amma bu qədər xaraktersiz, aciz görünmək olmaz.

Ardıcıl uğursuz oyunlara görə hər kəs tənqid edilib. Xüsusilə oyunçuların meydanda xarakter göstərməməsi klub başbilənlərini özündən çıxarıb.

Hətta oyunçular və məşqçilər heyətini ağır formada təhqir edəcək qədər.