II Liqanın XVI turu çərçivəsində sabah keçirilməsi nəzərdə tutulan “Quba” – “Kür-Araz” (İmişli) oyununun yeri dəyişdirilib.

Prosport.Az xəbər verir ki, bu barədə Peşəkar Futbol Liqasının rəsmi saytı məlumat yayıb.

Quba şəhərində müşahidə olunan əlverişsiz hava şəraiti səbəbindən Olimpiya İdman Kompleksinin stadionunun oyuna hazır vəziyyətə gətirilməsi mümkün olmadığından, hər iki klubun qarşılıqlı razılığı əsasında matçın Heydər Əliyev adına İmişli şəhər stadionunda keçirilməsi qərara alınıb.

Qarşılaşmanın başlama saatı ilə bağlı dəyişiklik yoxdur. Oyun saat 15:00-da başlayacaq.