"Sabah" "Qarabağ"la görüşə ciddi itki ilə çıxa bilər.

Prosport.Az sportinfo.az-a istinadən xəbər verir ki, müdafiəçi Stiv Solvet geridə qalan həftədə zədədən əziyyət çəkib. Bu səbəbdən kollektiv məşqlərdən uzaq düşüb.

29 yaşlı legioner "Kəpəz"lə görüşü də buraxmalı olmuşdu.Məşqlərə start verən stoperin Ağdam klubuna qarşı matçda meydana çıxıb-çıxmayacağı hələ də bilinmir.

Həkimlər və məşqçilər korpusunun birgə rəyindən sonra Solvetin oynayıb-oynamayacağı matç günü bilinəcək.

Qvadelupa millisinin üzvü ötən yaydan "tələbələr"in şərəfini qoruyur.

Premyer Liqanın XXII turuna təsadüf edəcək "Qarabağ" - "Sabah" görüşü martın 1-də Tofiq Bəhramov adına Respublika stadionunda start götürəcək.