UEFA Çempionlar Liqasının pley-off mərhələsinin cavab oyununda “Qarabağ”la qarşılaşacaq “Nyukasl”ın heyətində ciddi itkilər var.

Prosport.Az Britaniya mətbuatına istinadən xəbər verir ki, İngiltərə klubu Bakıdakı görüşdə olduğu kimi, bugünkü matçda da bir neçə futbolçusunun xidmətindən məhrum olacaq.

Bakıdakı görüşdə sarı vərəqə alan mərkəz müdafiəçisi Malik Tiau cəzalı duruma düşüb. Həmçinin müdafiəçilər – Fabian Şar, Emil Kraft, Tino Livramento və yarımmüdafiəçi Bruno Gimaraeş zədə səbəbindən heyətdə yer almayacaqlar.

Bundan başqa, müdafiəçi Sven Botman, yarımmüdafiəçi Lyuis Mayli və hücumçu Yoane Vissa da zədədən əziyyət çəkirlər. Onların da matçda iştirakı sual altındadır.

Qeyd edək ki, bu gün “Sent Ceyms Park”da keçiriləcək “Nyukasl” – “Qarabağ” oyunu Bakı vaxtı ilə saat 00:00-da başlayacaq. Bakıdakı ilk matçda qonaqlar 6:1 hesablı qələbə qazanıb.