"Mənim üçün çətin dövr oldu. Son bir neçə ay ərzində, xüsusilə reabilitasiya müddətində mənə kömək edən və dəstək olan hər kəsə təşəkkür etmək istəyirəm".

Prosport.Az xəbər verir ki, bu sözləri "Kayzerslautern" klubunda çıxış edən Azərbaycan millisinin futbolçusu Mahir Emreli Almaniya mətbuatına açıqlamasında deyib.

3 aydan çoxdur zədə səbəbindən oynamayan hücumçu ötən gün 2-ci Bundesliqanın XXIII turunda “Pröyssen”lə səfər matçında meydana çıxıb.

Emreli hazırda özünü 85-90 faiz hazır hiss etdiyini bildirib: “Motivasiyam isə 100 faizdir. Getdikcə daha çox oynamaq və bu mövsüm daha çox qol vurmaq istəyirəm".

Qeyd edək ki, “Kayzerslautern” səfərdə “Pröyssen”ə 3:2 hesabı ilə qalib gəlib.