Azərbaycan millisinin sabiq baş məşqçisi Fernandu Santuş məşqçilik karyerasını bərpa edə bilər.

Prosport.Az xəbər verir ki, bunu portuqaliyalı mütəxəssis özü yerli mətbuata açıqlamasında deyib.

71 yaşlı çalışdırıcı Səudiyyə Ərəbistanına köçmək variantının olduğunu gizlətməyib: “Azərbaycan millisindən ayrılandan sonra bəzi təkliflər aldım. İndiyə qədər bu və ya digər səbəbdən heç biri reallaşmadı. Amma yeni təklifləri dəyərləndirməyə hazıram. Səudiyyə Ərəbistanı liqası mübahisəsiz keyfiyyətə və beynəlxalq hörmətə layiq çempionatdır. Adımla bağlı fərziyyələrin yaranması təbiidir. Bəzi əlaqələrim də olub, amma hazırda vəziyyətin nə yerdə olması barədə heç nə deyə bilmərəm”.

Qeyd edək ki, Fernandu Santuş 2024-cü ilin iyunundan 2025-ci ilin sentyabrına qədər Azərbaycan millisinə rəhbərlik edib. Onun adı hazırda Misirin “Əl-Əhli” və Səudiyyə Ərəbistanının “Əl-Şəbab” klubları ilə birgə hallanır.