Monteneqrolu yarımmüdafiəçi Marko Yankoviç böyük ehtimalla "Qarabağ"ın heyətində son mövsümünü keçirir.

Prosport.Az azerisport.com-a istinadən xəbər verir ki, 30 yaşlı futbolçu Çin, Səudiyyə Ərəbistanı və Yaponiya klublarından təkliflər alıb.

Oyunçunun Ağdam təmsilçisi ilə 2026/27-ci illər mövsümünün sonunadək müqaviləsi olsa da, onun yayda adıçəkilən ölkələrdən birinin klubuna keçəcəyi gözlənilir.

Qeyd edək ki, Marko Yankoviç bu mövsüm özünü doğrulda bilmir. Onun uzun zədədən sonra əvvəlki formasından uzaq olduğu görünür.