Futbol üzrə Azərbaycan I Liqasının XV turu çərçivəsində keçirilən MOİK - "Səbail" oyununda qəribə hadisə baş verib.

Prosport.Az xəbər verir ki, görüşün 59-cu dəqiqəsində qonaqların baş məşqçi Adil Şükürov kapitan Yusif Nəbiyevin Kamran Quliyevlə əvəzlənməsinə qərar verib.

Amma müdafiəçi meydandan çıxmaqdan imtina edib. Şükürov israr etsə də, Nəbiyev baş məşqçinin sözlərinə məhəl qoymayıb.

Qeyd edək ki, oyun "dənizçilər"in 0:1 hesablı məğlubiyyəti ilə başa çatıb.