“Qarabağ” pley-off mərhələsində iştirak edən bütün komandalar arasında ən ucuz heyətə malikdir. “Nyukasl”da təkcə Sandro Tonalinin dəyəri “Qarabağ”ın bütün heyətinin dəyərindən 3 dəfə çoxdur”.

Prosport.Az xəbər verir ki, bunu belaruslu futbol mütəxəssisi Nikolay İvanov deyib.

O, UEFA Çempionlar Liqasının pley-off mərhələsində keçiriləcək “Qarabağ” – “Nyukasl” oyunu barədə fikirlərini bölüşüb. Mütəxəssis “Qarabağ”ı cütün autsayderi adlandırıb: “Kadr potensialı baxımından fərq böyükdür. “Qarabağ”ın “Liverpul”la matçı buna sübutdur. Yalnız “Nyukasl”ın hansısa problemləri olarsa, “Qarabağ” növbəti mərhələyə keçə bilər. “Qarabağ”la oyunlar arasında “Mançester Siti” ilə matçlar, ardından isə digər çətin rəqiblər olacaq. Çox güman ki, “Nyukasl” bu dönəmdə əsas diqqəti daxili yarışlara yönəldəcək. Çünki “Qarabağ”ı yarımcan heyətlə də keçmək mümkün kimi görünür. Bu amil “Qarabağ” üçün şans ola bilər”.

Qeyd edək ki, bu gün Tofiq Bəhramov adına Respublika stadionunda keçiriləcək “Qarabağ” – “Nyukasl” oyunu saat 21:45-də başlayacaq.