Lixtenşteyn yığmasının baş məşqçisi Konrad Fünfstüx UEFA Millətlər Liqasının püşkünü dəyərləndirib. 

Prosport.Az xəbər verir ki, mütəxəssis Azərbaycan millisi ilə keçirəcəkləri oyunlara da toxunub: "Litva və Azərbaycan C Liqasından düşən 2 komandadır. Şübhəsiz ki, mümkün qədər tez oraya qayıtmaq istəyəcəklər. Ona görə də motivasiyalı rəqiblər gözləyirəm. Biz bu mübarizəni qəbul edirik və maraqlı qarşılaşmaları səbirsizliklə gözləyirik".

Qeyd edək ki, Lixtenşteyn D Liqasının 2-ci qrupunda Azərbaycan və Litva ilə mübarizə aparacaq. Bu komanda ilə millimiz arasında oyunlar oktyabrın 1-də və noyabrın 13-də keçiriləcək.