"Yaxşı oynadıq və istədiyimiz 3 xalı qazandıq. Futbolçularım döyüşdülər, qələbə üçün hər şeyi etdilər. Görmək istədiklərimizi gördük, futbolçuların istəyi var idi. Öyrənməli olduğumuz nüanslar var ki, işləməliyik. Futbolçulara da təşəkkürümü etdim. Hamı bu gün can yandırdı".

Prosport.Az xəbər verir ki, bu sözləri “Araz-Naxçıvan”ın baş məşqçisi Andrey Demçenko Azərbaycan Premyer Liqasının XX turunun “Sumqayıt”la görüşündən sonra keçirilmiş mətbuat konfransında deyib. 

O, jurnalistlərin suallarını da cavablandırıb.

- Sizin üçün daha önəmli olan bir qələbə ilə futbolçuların psixolojini durumunu düzəltməkdir, yoxsa istənilən halda oyun sisteminizi qəbullandırmaq üçün zamana daha çox ehtiyacınız var?

- Biz sistem üzərində çalışırıq. Vacib olan odur ki, futbolçularda istəyi gördük. Futbolçuların hamısı motivasiyalıdır, özgüvənləri yerindədir.