Azərbaycan Premyer Liqasında XX turun daha bir oyunu keçirilib.

Prosport.Az xəbər verir ki, günün 2-ci matçında "Sumqayıt" "Araz-Naxçıvan"la üz-üzə gəlib.

Qarşılaşma Naxçıvan klubunun qələbəsi ilə bitib – 1:0. 45+5-ci dəqiqədə Ramon Maşado penaltidən fərqlənib. "Gənclik şəhəri" təmsilçisinin heyətində Aleksandr Ramalinqom 74-cü dəqiqədə qırmızı vərəqə alaraq meydandan qovulub.

Bu nəticədən sonra "Sumqayıt" 30 xalla 6-cı, eyni xala malik olan "Araz-Naxçıvan" 7-ci pillədə qərarlaşıb. Bu, "Araz-Naxçıvan"ın ukraynalı baş məşqçisi Andrey Demçenkonun ilk qələbəsi olub.

Günün ilk matçında "Neftçi" "Kəpəz"i üstələyib - 3:1.

Qeyd edək ki, tura fevralın 16-da yekun vurulacaq. Ötən gün "Qarabağ" "İmişli"ni, "Zirə" "Karvan-Yevlax"ı 1:0 hesabı ilə məğlub edib.