Albaniya çempionatında XXIV turun oyunları keçirilir.
Prosport.Az xəbər verir ki, Azərbaycan milli komandasının müdafiəçisi Zamiq Əliyevin şərəfini qoruduğu "Eqnatiya" növbəti matçına çıxıb. Səfərdə "Vora"nın qonağı olan kollektiv meydandan 1:1 hesablı bərabərliklə ayrılıb.
24 yaşlı mərkəz müdafiəçisi start heyətində yer alıb. 90-cı dəqiqədə əvəzlənən futbolçumuz oyunun 80-ci dəqiqəsində sarı vərəqə ilə cəzalandırılıb.
Bu bərabərlikdən sonra xallarının sayını 43-ə çatdıran "Eqnatiya" turnir cədvəlində 2-ci pillədəki mövqeyini qoruyub saxlayır.