"Neftçi"nin əvəzedici komandasına 3 futbolçu transfer olunub.

Prosport.Az xəbər verir ki, Qvineya əsilli belçikalı Mamadi Diavara, həmçinin nigeriyalılar – Fridom Dancuma İstifanus və Opeyemi Ezekiel Oluvafemi ilə bu mövsümün sonunadək müqavilə bağlanıb.

Bununla belə, klubun istəyinə uyğun olaraq, hər 3 futbolçu ilə anlaşma daha 2 il müddətinə artırıla bilər.

19 yaşlı Mamadi Diavaranın sonuncu klubu “Şalke” U-19 (Almaniya) olub. 18 yaşlı Fridom Dancuma İstifanus bunadək Nigeriyanın “Broud Siti”, 19 yaşlı Ezekiel Oluvafemi isə “36 Layn” klubunda çıxış edib.

Qeyd edək ki, "Neftçi"nin əvəzedici komandası 31 xalla 3-cü sıradadır və lider "Sabah"dan 3 xal geridədir.