Futbol üzrə II Liqada çıxış edən "Şəki Siti" sponsorun təyin etdiyi idarəçilərlə əməkdaşlığa son qoyub.

Prosport.Az xəbər verir ki, bölgə təmsilçisi bununla bağlı sosial şəbəkə hesabında bəyanat yayıb.

Bəyanatda deyilir: "Şəki"nin sponsoru olan şirkət tərəfindən təyin edilən idarəçilərin fəaliyyəti ilə bağlı aralarında yaranmış anlaşılmazlıq və bütün bunların klubun maraqlarına zidd olduğunu nəzərə alaraq, həmin şəxslərlə əməkdaşlığa xitam verilib. Həmçinin, sponsorun klub qarşısında öhdəliklərini yerinə yetirməsi ilə bağlı müvafiq addımlar atılıb.

Cari mövsümün 2-ci dövrəsindən etibarən komandamızın ev oyunlarını Şəki şəhərində keçirməsi və daha dayanıqlı idarəetmə modeli tətbiq olunması planlanır.

İctimaiyyətə əlavə məlumat veriləcək".