Nəriman Axundzadəni istəyən digər ərəb klubunun adına aydınlıq gəlib.

Prosport.Az-ın xəbərinə gərə, bu, Qətərin “Umm Salal” klubu olub.

Onlar “Qarabağ”a 3 il ərzində hissə-hissə ödəmək şərti ilə 3 milyon avro təklif edib. İlkin olaraq 900 min avro ödəmək istənilib.

Lakin “Qarabağ” bu təklifi geri çevirib.

13:41

ABŞ-ın “Kolambus Kru” klubuna keçən Nəriman Axundzadəni Qətər və Səudiyyə Ərəbistanı klubları da heyətinə qatmaq niyyətində olub.

Prosport.Az futbolinfo.az-a istinadən xəbər verir ki, bu ölkə təmsilçiləri hətta Ağdam klubuna rəsmi təklif də göndəriblər.

Səudiyyə Ərəbistanından “Əl-Şabab” klubu Nərimanla yaxından maraqlanıb. Onlar futbolçunun menecerinə də müraciət edib. Lakin Axundzadənin meneceri Tural Əsgərov futbolçunun keçidi üçün “Qarabağ”a 5 milyon avro transfer haqqı ödənilməli olduğunu bildirib. 22 yaşlı forvardın özünə isə illik 1,5 milyon avro maaş tələb edib.

Qətərdən olan klubun adını öyrənə bilməsək də, onlara da eyni şəkildə cavab verilib. Nəticədə keçid baş tutmayıb.

Axundzadə Türkiyədə də bir neçə kluba təklif olunub. Lakin həmin klublar futbolçu üçün transfer məbləği ödəməyə razılaşmayıb. Bildirilib ki, yalnız sərbəst futbolçu kimi gələ bilər. Həmin klubların içərisində “Trabzonspor” da yer alıb.

Qeyd edək ki, Nəriman Axundzadə ABŞ təmsilçisi “Kolambus Kru”ya transfer olunub. Onunla 2029-cu ilin sonuna qədər müqavilə imzalanıb. MLS klubu 22 yaşlı forvard üçün “Qarabağ”a 1,25 milyon avro (2,5 milyon manat) ödəyib.