Azərbaycan I Liqasının XIV turunun "Səbail" – "Şəfa oyununda mübahisəli epizod olub.

Prosport.Az xəbər verir ki, matçın əsas vaxtına əlavə olunmuş sonuncu – 3-cü dəqiqənin son saniyələrində qonaq komandanın hücumu zamanı top cərimə meydançasında rəqibin əlinə dəyib.

Görüşün mingəçevirli baş hakimi Rəşad Əhmədov əvvəlcə penalti təyin etsə də, yan xətt hakiminin xəbərdarlığından sonra qərarını dəyişib və matçı bitirib.

Referinin bu addımı "Şəfa"nın futbolçuları tərəfindən birmənalı qarşılanmayıb və onlar Rəşad Əhmədova öz etirazlarını bildiriblər.

Məlumat üçün bildirək ki, qarşılaşmada VAR sistemi olmayıb.

Qeyd edək ki, Bayıl stadionunda baş tutan matçda qalib müəyyənləşməyib – 0:0. Bu nəticədən sonra "Şəfa" 32 xalla turnir cədvəlinə başçılıq edir. 26 xalı olan "Səbail" isə 3-cü pillədə qərarlaşıb.