Azərbaycan I Liqasında ötən ilin dekabrında vurulmuş ən yaxşı qolun müəllifi müəyyənləşib.

Prosport.Az xəbər verir ki, "Ayın qolu" layihəsi çərçivəsində "Səbail" klubunun yeni hücumçusu Ruslan Voronsov mükafatlandırılıb.

Dekabrın ən yaxşı qolunun müəllifinə mükafatı XIV turun "Səbail" – "Şəfa" qarşılaşmasından əvvəl PFL-in Yarışların təşkili və qeydiyyatı şöbəsinin rəisi Elçin Mehtiyev təqdim edib.

Qeyd edək ki, Ruslan Voronsov bu qolu "Şahdağ Qusar"ın heyətində sabiq komandası "Mingəçevir"ə vurub. Bu qol nəticəsində "Mingəçevir" öz meydanında xal itirib – 1:1.