"Səbail" futbol klubu bu gün baş məşqçisi Adil Şükürovla yollarını ayıra bilər.

Prosport.Az-ın xəbərinə görə, komanda bu gün I Liqanın lideri "Şəfa"ya öz meydanında – Bayıldakı "ASCO Arena"da uduzarsa, o zaman Adil Şükürov istefaya göndəriləcək.

Çünki məğlubiyyət olacağı halda komanda liderdən 9 xal aralı düşəcək. Üstəlik, komandanın sərgilədiyi oyun da klub rəhbərliyini qane etmir. Ötən tur "Zaqatala" üzərində qələbə də çətinliklə başa gəlib və bu qolda xüsusi məşqçi işinin yox, rəqib qapıçısının səhvi olub.

Xatırladaq ki, Adil Şükürov ötən ilin noyabrın 29-da "Səbail"ə baş məşqçi təyin edilib.

Qeyd edək ki, I Liqada Premyer Liqaya çıxmaq baxımından turun mərkəzi görüşü sayılan "Səbail" – "Şəfa" oyunu bu gün saat 17:00-da başlayacaq.