Vensan Abubakarın “Neftçi”dən ayrılmaq ehtimalı var.

Prosport.Az match.kz saytına istinadən xəbər verir ki, kamerunlu hücumçu Qazaxıstanın “Aktobe” klubundan təklif alıb.

34 yaşlı futbolçu ötən ilin oktyabrında “Neftçi”yə keçib. Afrikalı forvard Yuri Vernidubun baş məşqçi postunu tutmasından sonra əsas heyətdəki yerini itirib.

Qeyd edək ki, Vensan Abubakar “ağ-qaralar”ın heyətində ümumilikdə 12 oyunda meydana çıxıb, 6 qol və 1 məhsuldar ötürməylə yadda qalıb.

“Aktobe” ötən ay 39 yaşlı Luiş Nanini heyətinə qatıb.