"Bilirdik ki, "Qəbələ" əks-hücumlarda yaxşı çıxış edir. Oyunda üstünlük quran tərəf biz idik. Qaşrılaşma ərzində 2 dəfə səhvə yol verdik, rəqib komanda həmin vaxtlarda təhlükəli hücumlar yaratdı. Təəssüf ki, 2-ci hissədə oyuna istədiyimiz kimi başlaya bilmədik".

Prosport.Az xəbər verir ki, bunu "Neftçi"nin qapıçısı Kenan Piriç evdə "Qəbələ"yə 1:0 hesabı ilə qalib gəldikləri Azərbaycan Premyer Liqasının XIX tur matçından sonra klub televiziyasına açıqlanmasında deyib. 

O, qələbəni belə şərh edib: "Qəbələ"nin futbolçuları hücumlar qurmağa başlayırdılar. Sevinirik ki, qapımızı toxunulmaz saxlamağı bacardıq. Son 3 oyunda qol buraxmırıq. Bu, çox yaxşı göstəricidir. Təbii ki, burada tək qapıçının yox, bütün komandanın payı var".