Azərbaycan Premyer Liqasının XIX turunun “Turan Tovuz” – “Karvan-Yevlax” oyunundan (1:0) sonra meydan sahibi komandanın baş məşqçisi Qurban Berdiyev jurnalistlərin suallarını cavablandırıb.

Prosport.Az xəbər verir ki, mütəxəssis əvvəlcə görüşlə bağlı fikirlərini bölüşüb.

– Hər şeydən əvvəl Kubok oyunundakı davranışa görə azarkeşlərdən üzr istəyirəm. Emosional davranış idi. Oyuna gəlincə, ilk hissədə çoxlu məqamlarımız oldu, amma dəyərləndirə bilmədik. Fərqlənsəydik, daha rahat oynaya bilərdik. Fərq minimum olduğu üçün oyunun sonları dramatik alındı.

– İbrahima Vadji startda oynasa da, qol vura bilmir. Bunun səbəbini nədə görürsünüz?
– Əsas odur ki, epizodlar yaradır. Ona inanıram.

– Sergey Samok daha əvvəl Kubok oyunlarında şans qazanırdı. İndi isə onu Premyer Liqada da gördük. Bu nə ilə bağlıdır?
– Əsas qapıçımız Oleq Baklov zədəlidir.