Azərbaycan Premyer Liqasında XIX turun daha 2 oyunu bu gün keçiriləcək.

Prosport.Az xəbər verir ki, günün ilk matçında "Kəpəz" "İmişli"nin qonağı olacaq.

Qarşılaşma Quba Olimpiya İdman Kompleksinin stadionunda, saat 14:30-da start götürəcək. "İmişli" 18 xalla 9-cu, Gəncə klubu 12 xalla 11-ci pillədə qərarlaşıb.

Günün ikinci oyununda "Turan Tovuz" autsayder "Karvan-Yevlax"ı sınağa çəkəcək. Bu görüş saat 18:30-da başlayacaq. Ehtiyatda daha bir matçı olan Tovuz təmsilçisi 30 xalla 4-cü, "Karvan-Yevlax" 6 xalla 12-cidir.

Azərbaycan Premyer Liqası

II dövrə, XIX tur

14:30. "İmişli" – "Kəpəz"

Hakimlər: Fərid Hacıyev, Rəhman İmami, Tərlan Talıbzadə, İslam Məmmədov.

VAR: Elçin Məsiyev.

AVAR: Elşad Abdullayev.

Hakim-inspektor: İmanxan Sulatni.

AFFA nümayəndəsi: Seymur Səlimli.

Quba Olimpiya İdman Kompleksinin stadionu

18:30. "Turan Tovuz" – "Karvan-Yevlax"

Hakimlər: Vüqar Həsənli, Kamran Bayramov, Zöhrab Abbasov, Murad Səlimov.

VAR: Nicat İsmayıllı.

AVAR: Pərvin Talıbov.

Hakim-inspektor: Orxan Məmmədov.

AFFA nümayəndəsi: Məmmədəli Məmmədov.

"Azərsun Arena"

Qeyd edək ki, tura fevralın 10-da yekun vurulacaq. Ötən gün "Sabah" "Araz-Naxçıvan"ı (4:1), "Zirə" "Sumqayıt"ı (3:2) məğlub edib.