"Qarabağ"ın UEFA Çempionlar Liqasının pley-off mərhələsində rəqibi olan "Nyukasl Yunayted" ardıcıl 5-ci oyunda da qələbə qazana bilməyib.

Prosport.Az xəbər verir ki, "sağsağanlar" İngiltərə Premyer Liqasının XXV turu “Brentford”u qəbul edib.

“Sent Ceyms Park”da keçirilən matçda meydan sahibləri hesabda öndə olsa da, sonda 2:3 məğlub olublar. "Nyukasl"dan qolları niderlandlı müdafiəçi Sven Botman (24-cü dəqiqə) və braziliyalı yarımmüdafiəçi Bruno Qimaraes (79-cu dəqiqədə penaltidən) vurub.

Beləliklə, “Nyukasl” Premyer Liqa, Çempionlar Liqası və EFL Kuboku matçları da nəzərə alınmaqla, ardıcıl 5-ci oyunda qələbə qazana bilməyib.

Bu oyundan sonra “Nyukasl Yunayted” İngiltərə Premyer Liqasının turnir cədvəlində 33 xalla 12-ci yerdədir.