"Sabah" yeni transferi Patrik Mbina üçün Sloveniyanın "Maribor" klubuna təzminat ödəyib.

Prosport.Az yerli mətbuata istinadən xəbər verir ki, təzminatın məbləği açıqlanmayıb.

Qabonlu hücumçu mövsümün qalan hissəsi üçün baş məşqçi Feda Dudiçin planlarına daxil olmadığı üçün onun icarəyə verilməsinə "yox" deməyib.

"Sabah" mövsümün sonunda afrikalı forvardın çıxışından razı qalsa, onu birdəfəlik transfer etmək hüququna malikdir.

Qeyd edək ki, Patrik Mbinanın bazar dəyəri 400 min avrodur.