"Karvan-Yevlax"dan ayrılan futbolçu Nika Çaçaşvilinin yeni klubu müəyyənləşib.

Prosport.Az xəbər verir ki, I Liqada çıxış edən "Mingəçevir" 22 yaşlı futbolçunu heyətinə qatdığını açıqlayıb.

Gürcüstan vətəndaşlığı da olan Nika Çaçaşvili Qax gürcüsü olduğundan, Azərbaycan pasportuna da malikdir. O, mərkəz yarımmüdafiəçisi mövqeyində çıxış edə bilsə də, əsas mövqeyi müdafiənin sağıdır. Çaçaşvili futbola Tbilisi "Dinamo"sunun Akademiyasında başlayıb. Həmçinin, o daha əvvəl İspaniyada yaşayan atasına görə həmin ölkədə top qovub.

Qeyd edək ki, "Mingəçevir" daha əvvəl mərkəz yarımmüdafiəçisi Qabil Əlizadə, qapıçı Əmrah Məmmədli və hücumameyilli yarımmüdafiəçi Taleh Fərmanovun keçidini elan edib.