Azərbaycan Premyer Liqasının XVIII turunun “Qəbələ” – “İmişli” oyunundan (3:2) sonra meydan sahibi komandanın məşqçisi Georgi Çixradze jurnalistlərin suallarını cavablandırıb.

Prosport Az xəbər verir ki, mütəxəssis əvvəlcə görüşlə bağlı fikirlərini bildirib.

– Maraqlı, dinamik oyun oldu. Gah biz, gah rəqib hücum edirdi. Matça çox yaxşı hazırlaşmışdıq. Bizim üçün qələbə çox vacib idi. Çünki komanda təhlükəli yerdədir. Xatakter göstərib, qələbə qazandıq.

– Het-trik edən Domi Massumonun qələbədə payı nə qədərdir?

– Vacib, gözəl qollar vurdu. Qələbədə pay sahibidir. Amma ona bunu bacarmaqda komanda yoldaşlarının da köməyi oldu. Bütün komanda qələbə üçün çalışdı.

– Qarşıda “Sabah”la kubok oyunu var. Bu turnirə motivasiyanız necədir?

– Oyundan-oyuna baxırıq. Hədəfimiz yaxşı nəticələr qazanmaqdır.

– Yeni transferlərin qələbələrdə payı nədir? 

– Akinade və Keytanın gəlişi komandanı gücləndirib. Rza Cəfərov və Turan Manafov da bizə qoşulub. Komandanın son sıralarda olmasını nəzərə alsaq, güclənməyimiz vacibdir.

– Autsayder “Karvan-Yevlax” uduzdu. Bugünkü qələbənizi 6 xala bərabər hesab edirsiniz?

– Bizimçün ilk növbədə vacib olan xallar qazanmaqdır. Amma düzdür, rəqiblərə də baxırıq. Lakin yenə də öncə özümüz xallarımızı artırmalıyıq.