Rusiya millisinin sabiq futbolçusu Aleksandr Mostovoy “Qarabağ”ın UEFA Çempionlar Liqasının pley-off mərhələsinə yüksəlməsinə münasibət bildirib.

Futbolinfo.az xəbər verir ki, 57 yaşlı mütəxəssis bu münasibətlə Azərbaycan çempionunu təbrik edib.

Mostovoy Ağdam təmsilçisinin bu uğurunun təqdirəlayiq hal olduğunu deyib: “Qarabağ”ı xüsusi qeyd etmək lazımdır. Yeni format sayəsində Çempionlar Liqasının pley-off mərhələsinə yüksəlmələri alqışalayiqdir. Hər dəfə deyirəm ki, mübarizə aparın, xallar toplayın, Liqa mərhələsinin sonunda baxarıq. “Qarabağ” bu şansın arxasınca getdi. Afərin onlara. “Qarabağ” olmasaydı, onların yerində başqa komanda olacaqdı”.

Qeyd edək ki, “Qarabağ” Çempionlar Liqasının Liqa mərhələsini 10 xalla 22-ci pillədə başa vurub və pley-offa yüksəlib. Bu raunddakı potensial rəqiblər PSJ və “Nyukasl”dır. Pley-off mrəhələsinin püşkü bu gün atılacaq.