“Daha çox PSJ ilə qarşılaşmaq istəyirəm. Bu, parislilərin rusiyalı qapıçısı Matvey Safonova görə deyil, daha çox adlı-sanlı klub olduğu üçündür”.

Prosport.Az xəbər verir ki, bunu “Qarabağ”ın qapıçısı Şahrudin Məhəmmədəliyev Rusiya mətbuatına açıqlamasında deyib.

Millimizin qolkiperi Çempionlar Liqasının pley-off mərhələsindəki potensial rəqibləri dəyərləndirib. O, PSJ ilə qarşılaşmağı arzuladığını söyləyib: “PSJ-də ulduz futbolçular çoxluq təşkil edir. Həmişə ən güclülərə qarşı oynamaq istəyirsən. Hamımız başa düşürük ki, həm “Nyukasl”, həm də PSJ ilə matçlar çətin olacaq. Amma yenə də parisilərin ulduzları ilə üz-üzə gəlmək daha maraqlıdır. Lakin seçim etmək bizim əlimizdə deyil”.

Qeyd edək ki, bu gün Çempionlar Liqasında pley-off mərhələsinin püşkü atılacaq. Bu raundun oyunları 17-18 və 24-25 fevralda keçiriləcək.