İngiltərədə "Liverpul" və "Qarabağ" komandaları arasında keçiriləcək UEFA Çempionlar Liqasının əsas mərhələsinin son tur matçının biletlərinin "qara bazar"da satışına başlanılıb.

Prosport.Az xəbər verir ki, bununla bağlı ingiltərəli sosial şəbəkə istifadəçiləri elanlar paylaşıblar.

Onlar potensial alıcılara müxtəlif sektorlardan biletlər təklif edirlər. Biletlərə 50 - 100 funt sterlinq (116 - 232 manat) qiymət qoyulub.

Bu addım oyuna azərbaycanlı azarkeşlərin qarşılaşmaya marağının böyük olması ilə əlaqələndirilir. "Qarabağ" fanatları üçün ayrılmış sektora bütün biletlərin alındığı güman edilir. 

Qeyd edək ki, yanvarın 28-də "Enfild" stadionunda keçiriləcək oyun Bakı vaxtı ilə saat 00:00-da başlanacaq.