“Sumqayıt”ın sabiq futbolçusu Momo Yansane karyerasını Ermənistanda davam etdirəcək.

Prosport.Az xəbər verir ki, qvineyalı hücumçu “Pünik” klubu ilə anlaşıb. Bu barədə məlumatı İrəvan klubu rəsmi saytı vasitəsilə paylaşıb. 28 yaşlı oyunçu Kipr təmsilçisi “Omoniya”dan transfer olunub.

Qeyd edək ki, Momo Yansane 2025-ci ilin yanvarından iyuluna qədər ölkəmizdə “Sumqayıt”ın formasını geyinib. O, "gənclik şəhəri" təmsilçisindən öncə isə Gürcüstanın "Torpeda" (Kutaisi) komandasında çıxış edib. Bununla da Yansane Qafqazın hər 3 ölkəsində oynayan ilk afrikalı futbolçu olub.