"Hamburq"un direktoru Zaskia Broya Azərbaycan milli komandasının müdafiəçisi Nigar Mirzəliyevanın transferi ilə bağlı danışıb.

Prosport.Az xəbər verir ki, klubun rəsmi saytına açıqlama verən funksioner milli üzvü barədə bunları deyib:

“Nigar meydanda istəkli və topsuz olanda belə, işində güzəştə getmədən çalışan çox iddialı oyunçudur. O, müdafiədə çox universaldır və Superliqada qazandığı yüksəksəviyyəli oyun təcrübəsinə malikdir. Xüsusilə də fiziki hazırlığı və güclü mentaliteti bizi onun komandamızı əhəmiyyətli dərəcədə gücləndirə biləcəyinə inandırdı”.

Qeyd edək ki, Nigar Mirzəliyeva “Hamburq”la 2,5 illik müqavilə imzalayıb.