Polşanın “Motor” klubunun azərbaycanlı hücumçusu Renat Dadaşovun taleyi qeyri-müəyyən olaraq qalır.

Prosport.Az yerli mətbuata istinadən xəbər verir ki, forvard Lublin klubu tərəfindən bir ay əvvəl transferə çıxarılsa da, hələ də düşərgədədir.

“Motor” Dadaşovla yanaşı, daha 2 oyunçusunun gedişinə müsbət rəy verib. Lakin onların hələ də yola salınmaması rəhbərliyi narahat edir. Polşalılar özünə yeni komanda tapması üçün Dadaşov da daxil olmaqla hər 3 futbolçuya vaxt verib.

Millimizin hücumçusunun indiki məqamda keçmək ehtimalı ən yüksək olan klub isə “Zirə” göstərilir. Amma qəsəbə təmsilçisi millimizin üzvünü yüksək maaş tələbi üzündən heyətinə qata bilmir.

Renat Dadaşovun “Motor”la müqavilə müddəti yaya qədərdir.