Bəhlul Mustafazədənin "Qarabağ"dan ayrılıb-ayrılmayacağına qarşıdakı günlərdə aydınlıq gələcək.

Prosport.Az sportinfo.az-a istinadən xəbər verir ki, müdafiəçinin düşərgədə qalması Çempionlar Liqasının əsas mərhələsinin sonuncu - VIII turunun "Liverpul"la matçından sonra bəlli olacaq.

Azərbaycan çempionu Böyük Britaniya səfərinin ardından 28 yaşlı arxa xətt oyunçusunun aqibətinə dair qərar verəcək.

Məsələ ondadır ki, Mustafazadəyə ölkə xaricindən təklif gəlib. Çin klubu ona dəvət göndərib. Asiya təmsilçisi həmyerlimizlə 2+1 illik müqavilə bağlamaq iddiasını ortaya qoyub.

Bəhlul Mustfazadənin özüylə aparılan danışıqlar artıq baş tutub. Tərəflər şəxsi müqavilə şərtlərini razılaşdırıblar. Futbolçu özü də karyerasını ölkə xaricində davam etdirməkdə maraqlıdır.