"Neftçi"nin yeni prezidenti Fərrux Mahmudov Azərbaycan Basketbol Federasiyasındakı işindən ayrılıb.

Bu barədə Prosport.Az-a onun özü bildirib.

"Dünəndən etibarən artıq rəsmi olaraq oradan ayrılmışam, amma bir neçə ay tranzisiya periodu olacaq. Elə bu tranzisiya periodu "Neftçi"nin Müşahidə Şurasının üzvləri ilə müzakirə olunub. Çünki basketbolda çox kiçik bir zamanda qurduğumuz işi birdən-birə atmaq düzgün olmazdı. Və hamı buna müsbət baxıb bu qərara gəldi".

Qeyd edək ki, Fərrux Mahmudov "Neftçi"yə gələnədək Azərbaycan Basketbol Federasiyasının icraçı direktoru vəzifəsində çalışırdı.

Səbuhi Musa