"Son dəqiqədə, son saniyədə qalib gəlmək möhtəşəmdir".

Prosport.Az xəbər verir ki, bu sözləri "Qarabağ"ın futbolçusu Abdullah Zubir UEFA Çempionlar Liqasında "Ayntraxt"ı məğlub etdikləri oyundan sonra UEFA-nın rəsmi saytına açıqlamasında deyib.

Fransalı yarımmüdafiəçi görüşlə bağlı fikirlərini bölüşüb: "Çətin oyun oldu. Hər şeyimizi ortaya qoyduq və qalib gəldik. İnanılmaz anlardır, çox xoşbəxtik. Heç vaxt təslim olmuruq, qələbədə əsas pay məhz bunda idi".

O, qarşıda “Liverpul”la çətin oyunlarının olduğunu vurğulayıb: "Əlimizdən gələni edəcəyik. Möhtəşəm komandaya qarşı oynayacağıq. Meydanda hər şeyimizi ortaya qoyacağıq və sonda harada olacağımızı görəcəyik".

Qeyd edək ki, "Liverpul" - "Qarabağ" matçı yanvarın 29-da keçiriləcək.