"Çempionlar Liqasının əsas mərhələsində "Ayntraxt" komandası üzərində parlaq qələbə qazanması münasibətilə "Qarabağ" futbol klubunu ürəkdən təbrik edirəm!"

Prosport.Az xəbər verir ki, bu fikirlər Azərbaycan Prezidenti İlham Əliyevin sosial şəbəkə hesabında "Qarabağ"la bağlı paylaşımında yer alıb.

Ölkə başçısı bildirib ki, hakimin ədalətsiz və qərəzli qərarlarına baxmayaraq, haqq-ədalət öz yerini tapdı: "Birinci dəfə deyil ki, UEFA tərəfindən təyin edilən hakimlər ədalətsiz və qərəzli qərarları ilə "Qarabağ"ın qələbə yolunu kəsməyə çalışırlar. Ümid edirəm ki, UEFA bu hakimin kimin tərəfindən təyin olunmasına aydınlıq gətirəcək.

Ədaləti və əyilməz ruhu məğlub etmək mümkün deyil. Yaşasın "Qarabağ"!

Qeyd edək ki, "Qarabağ" Liqa mərhələsinin VII turu çərçivəsində keçirilən oyunda "Ayntraxt"a 3:2 hesabı ilə qalib gəlib.