"Qarabağ"ın 2 futbolçusu UEFA Çempionlar Liqasının əsas mərhələsinin sonuncu turunda İngiltərənin "Liverpul" klubu ilə oyunu buraxa bilər.

Prosport.Az xəbər verir ki, söhbət kolumbiyalı stopper Kevin Medina və braziliyalı cinah müdafiəçisi Mateus Silvadan gedir. 

Hər 2 müdafiəçi sarı vərəqə limitindədir. Medina və Silva Liqa mərhələsində 2 dəfə sarı vərəqə alıb. Onlar bu gün "Ayntraxt"la qarşılaşmada da "sarı" görsələr, "Liverpul"la görüşdə cəzalı duruma düşəcək.

Qeyd edək ki, "Qarabağ" – "Ayntraxt" oyunu bu gün saat 21:45-də start götürəcək. Azərbaycan çempionu "Liverpul"la yanvarın 28-də İngiltərədə üz-üzə gələcək.