Azərbaycanlı hücumçu Orxan Əliyevin formasını geyindiyi “Ozqon” Türkiyədə yeni mövsüm üçün təlim-məşq toplanışı keçir.

Prosport.Az xəbər verir ki, azərbaycanlı forvardın komandası 2 yoxlama görüşü keçirib və o, hər 2 oyunda qol vurub.

Belə ki, Əliyev ilk matçda “Çakvari”nin (1:1), 2-ci görüşdə isə “Çayka”nın (3:2) qapısına yol tapıb.

Xatırladaq ki, Orxan Əliyev “Ozqon”la yeni müqavilə imzalayıb. Bu komandada onunla yanaşı, Ramin Əhmədov və İldar Ələkbərov da forma geyinir.