AFFA-nın baş katibi Cahangir Fərəcullayevin beynəlxalq hakimlik və hakimlərin təlim-tədrisi üzrə müşaviri Frank De Blekere beynəlxalq təyinat alıb.

Prosport.Az xəbər verir ki, belçikalı funksioner UEFA Avropa Liqasının əsas mərhələsində VII turun "Zalsburq" (Avstriya) – "Bazel" (İsveçrə) matçının hakim-inspektoru olacaq.

O, Anastasios Papapetrunun rəhbərlik etdiyi yunanıstanlı hakimlər briqadasının işinə qiymət verəcək.

Qeyd edək ki, sabah Zalsburq şəhərindəki "Red Bull Arena"da keçiriləcək oyun Bakı vaxtı ilə saat 00:00-da başlanacaq.