“Qarabağ” bu gün UEFA Çempionlar Liqasının əsas mərhələsində “Ayntraxt”ı qəbul edəcək.

Prosport.Az xəbər verir ki, xarici mütəxəssislər Bakıda keçiriləcək oyunun favoriti qismində Azərbaycan çempionunu göstərib. Bu isə müxtəlif səbəblərlə əsaslandırılıb.

İlk növbədə “Ayntraxt”ın yaxşı günlərini yaşamadığı, baş məşqçisiz qaldığı xüsusi vurğulanır. Almaniya klubu Çempionlar Liqasında yeganə qələbəsini ilk turda “Qalatasaray” üzərində qazanıb və sonrakı 5 matçda ümumilikdə 15 qol buraxıb.

Frankfurtluların Bundesliqada da işləri yolunda getmir. Komanda son 3 qarşılaşmada 9 qol buraxıb. “Ayntraxt”ın ən böyük probleminin müdafiə xəttində böyük boşluqlarının olması qeyd olunur.

Mütəxəssislərin fikrincə, “Qarabağ” doğma arenasındakı matçda qələbə qazanacaq. Çünki ağdamlılara bu qarşılaşmada qələbə rəqibdən daha çox lazımdır.

Qeyd edək ki, Tofiq Bəhramov adına Respublika Stadionunda keçiriləcək “Qarabağ” – “Ayntraxt” oyunu saat 21:45-də başlayacaq.