“Sabah”ın Aron Maludanı mövsüm başa çatmamış birdəfəlik transfer etməsinin səbəbi müəyyənləşib.

Prosport.Az xarici mətbuata istinadən xəbər verir ki, 20 yaşlı vinger başqa klubların maraq dairəsində olduğu üçün bakılılar tələsik qərar veriblər.

Mövsümün əvvəlində Fransa təmsilçisi “Lill”dən 1 illik icarəyə götürülən Maludanın uğurlu çıxışı xüsusən də Türkiyə Superliqa komandalarının diqqətindən yayınmayıb. Maludanı izləyən xarici klublar yayda onu transfer etməyi planlaşdırırdılar.

Bu üzdən “Sabah” rəhbərliyi mövsümün sonunu gözləmədən müqavilədə yer almış 150 min avroluq təzminat məbləğini “Lill”ə ödəməyə razılıq verib. Nəticədə gənc oyunçu Misli Premyer Liqasının lideri ilə 4 illik müqavilə imzalayıb.

Aaron Maluda Premyer Liqanın geridə qalan dönəmində 11 oyunda meydana çıxıb, 2 qol vurub.